Tilkynningar
|
Hvern ætlar þú að hringja í þegar þú ert í vanda? Föstudagur, 30. desember 2011 14:16 |  Skrifað af: Alex Ægisson |  |  | 
Þegar veður er vont, einhver er týndur eða þegar einhver þarf á aðstoð að halda. Hver er það sem er tilbúin að hjálpa?
Núna þurfum við á þinni hjálp að halda. Flugeldasalan er ein stærsta fjáröflun björgunarsveitanna og þú getur stutt við okkur með því að koma til okkar og versla af okkur flugelda. Ekki er verra að það er gaman að skjóta upp flugeldum :) Björgunarfélag Árborgar er með sölustaði í Björgunarmiðstöðinni, Árvegi 1, beint á móti lögreglustöðinni og vestan við smiðshúsið á Stokkseyri. Við óskum ykkur gleðilegra og slysalausra áramóta. Gera athugasemd
Síðast uppfært (Föstudagur, 30. desember 2011 14:59) Flugeldablað 2011Miðvikudagur, 28. desember 2011 00:25 | Skrifað af: Alex Ægisson | | |
Flugeldablaðið 2011 er komið úr prentun og það er búið að dreifa því í flest öll hús í Árborg
Blaðið í ár er tvöfalt stærra en síðustu ár og meira af greinum um björgunarsveitina og frásagnir tengdar henni. Blaðið má nálgast í stafrænni útgáfu hér : Síðast uppfært (Miðvikudagur, 28. desember 2011 10:34) Komin í eigin húsnæði afturFöstudagur, 02. desember 2011 19:03 | Skrifað af: Karl Ágúst Hoffritz | | |
 Í dag var skrifað undir kaupasamning á nýrri Tryggvabúð en hún er í Björgunarmiðstöð Árborgar við Árveg. Þetta eru mikil gleðitíðindi fyrir björgunarsveitarfólk og mikill léttir að húsamál séu komin á hreint.
Nýja aðstaðan er hátt í 800m2 að stærð en töluverð vinna er eftir til að fullklára húsnæðið að innan en stefnt er að því að allt verði orðið klárt á nýju ári.
Neyðarlínan keypti einnig smá hlut í húsinu sem mun verða notaður undir fjarskiptabúnað á vegum Neyðarlínunar. En Þórhallur Ólafsson hjá Neyðarlínunni hefur unnið gríðarlega vel fyrir Björgunarfélagið í þessum húsamálum og er næsta víst að ef hans hefði ekki notið við væri ekki búið að skrifa undir kaupsamning.
Síðast uppfært (Föstudagur, 02. desember 2011 23:12) |
Flugeldablað 2011 (
Undanfaraæfing á GígjökullMiðvikudagur, 30. nóvember 2011 18:17 | Skrifað af: Magnús Stefán Sigurðsson | | |
Sunnudaginn 27. Nóvember s.l fór tilvonandi undanfarahópur BFÁ í æfingaferð á Gígjökul. Undanfarahópurinn tilvonandi er sameginlegt verkefni Björgunarfélags Árborgar, Hjálparsveitar skáta í Hveragerði og Björgunarsveitarinar Sigurgeirs. Stefnt er að því að hópurinn fái undanfara úttekt vorið 2013 en töluverð undirbúningsvinna hefur verið unnin og stendur hún enn yfir. Hópurinn hefur æft reglulega undanfarin misseri, og núna síðast á Gígjökul. Lítið hefur verið ferðast á jöklinum eftir eldgosið í Eyjafjallajökli 2010 en þá hopaði jökullinn töluvert og mikið af djúpum sprungum myndast í kjölfarið. Aðstæður á jöklinum voru því erfiðar, mikið um sprungur og u.þ.b 50cm púðursnjór inn á milli. Veðrið var með skásta móti en það gekk þó á með éljum. Snúið var við í um 600 m hæð og haldið aftur niður á leið. Síðast uppfært (Sunnudagur, 04. desember 2011 01:09) Ofur-BuniLaugardagur, 26. nóvember 2011 17:14 | Skrifað af: Karl Ágúst Hoffritz | | |
Síðast uppfært (Sunnudagur, 04. desember 2011 01:03) LEITLaugardagur, 12. nóvember 2011 16:08 | Skrifað af: Karl Ágúst Hoffritz | | |
Síðustu dagar hafa verið annasamir Björgunarfélagnu, við höfum tekið þátt í leitinni að erlenda ferðamanninum sem fannst loksins í dag. Síðast uppfært (Laugardagur, 12. nóvember 2011 16:13) NeyðarkallinnLaugardagur, 05. nóvember 2011 21:30 | Skrifað af: Karl Ágúst Hoffritz | | |
 Um helgina er BFA að selja neyðarkallinn, salan hefur gengið vel hingað til og hafa meðlimir BFA verið duglegir að mæta í söluna. Á myndinni hér fyrir ofan eru Soffía Sigurðardóttir og Alex Ægisson að "moka" neyðarkallinum út í Bónus í dag.
|
